പ്രസവം
സജീവ്കുമാർ ശശിധരൻ
മനസ്സിൽ കവിതകളും കഥകളും
തുളുമ്പുന്നുണ്ട് . എഴുതാൻ വെമ്പലുണ്ട് . പിറവിയെടുക്കാതെ മരണം പുൽകുന്ന എന്റെ കുഞ്ഞുങ്ങൾ . വിശപ്പെന്ന കാട്ടാളൻ എന്റെ കുട്ടികളെയെല്ലാം കൊന്നൊടുക്കി . ഇനിയും
ഏഴുതാതിരുന്നാൽ എനിക്ക് ഭ്രാന്തുപിടിക്കും , എഴുതാനിരുന്നാലോ വിശന്ന് മരിക്കും . എന്നെ നിങ്ങൾക്ക്‌
അറിയില്ലായിരിക്കും , അറിയണമെങ്കിൽ ഞാൻ എന്തെങ്കിലും എഴുതണ്ടേ . ആദ്യം ഞാൻ എന്റെ വിശപ്പടക്കട്ടെ . അതിലൂടെ
എന്റെ ഗർഭശിശുക്കളും ഉണ്ടുകൊള്ളും .
ഒരിക്കൽ ഒരു
സുഖപ്രസവത്തിൽ അമ്മയായും അച്ഛനായുമൊക്കെ ഞാൻ വരും . വെറും വാക്കല്ല . ഞാൻ സത്യം
ചെയ്യുന്നു . കുട്ടിയുടുപ്പുകളും
കാൽത്തളകളും സമ്മാനപ്പൊതികളുമൊക്കെ ഒരുക്കി വെച്ചോളൂ .
ഇപ്പൊ വിശപ്പാണ് ; ഞാൻ പോകട്ടെ , അല്ല പോയിവരട്ടെ ?
എന്ന്
നിങ്ങളുടെ ഞാൻ .
No comments:
Post a Comment