കുഞ്ഞു കവിതകൾ

കുഞ്ഞു കവിതകൾ :

          സജീവ് കുമാർ 

01 

കണ്ണും  കരളും 

കനലുകൾ എരിയുന്ന 

കണ്ണുകളിലിന്ന് 

കനിവിനാൽ 

കണ്ണുനീർ  ഇറ്റിറ്റുവോ 

        ൦     ൦     ൦     ൦ 

02 

പ്രണയവും പ്രതികാരവും 

എരിയുന്നതെന്തിന്നു 

കാടേ ...

നിന്നെ മഴയവൾ 

വിട്ടിട്ടു പോയോ...

എണ്ണയൊഴിക്കാതെ 

കാറ്റേ ...

നീ കാമുകനായിരുന്നല്ലേ 

        ൦     ൦     ൦     ൦ 

03

മലയും കടലും 

മല കടൽ  

കൊണ്ടുപോയി 

പൊളിച്ചെടുക്കാൻ വന്ന 

മനുജരെയേയും 

കടൽ മടങ്ങി 

ശാന്തനായി 

മലയുണ്ട്  മനുജരെ 

കാണ്മതില്ല 

 ൦     ൦     ൦     ൦ 

04

കടലാസ് പ്രണയം 

കടലാസു മെല്ലെ 

മെല്ലെ കരഞ്ഞു 

കൊഞ്ചൽ വരുന്നില്ല 

കെഞ്ചൽ വരുന്നില്ല 

വിരഹമാം നെഞ്ചിലെ 

വിങ്ങൽ വരുന്നില്ല 

 ൦     ൦     ൦     ൦ 

05

നൂറ്റാണ്ട് 

കൈ കാലിളക്കി 

ആഞ്ഞു വിളിച്ചവൻ 

കരയുന്ന കുഞ്ഞിനേ 

പാലുള്ളൂ ....

കൈ കാലൽ കഴച്ചു 

ശബ്ദം വരാതായി 

പൊടുന്നനേ  ഓർത്തു 

നൂറ്റാണ്ട്  വേറെ 

ചുറ്റും മിഴിച്ചു 

നെടുവീർപ്പ് വിട്ടു 

കൈ കാലൽ ചുരുട്ടി 

കിടന്നുറങ്ങി 

 ൦     ൦     ൦     ൦ 

ആൽമരം - കവിത

ആൽമരം 

ആലിന്  തണലെന്നു 

ചൊല്ലുനേരത്ത് 

ആദ്യമാ പെൺകിളി 

പറന്നുപോയി .

തണലൊന്ന് നൽകുവാൻ 

പുരകെട്ടി നോക്കിയോർ 

വൻ മരമാകുന്ന 

നാളുമെത്തി 

ചുറ്റിലും വേലി 

പിന്നുച്ചിയെമൂടുന്ന 

കവചമാം കാന്തവും 

ആലോ ...നിന്നു കത്തി 

അങ്ങിങ്ങു സുഷിരം 

ഒളിവന്നു ചിരിതൂകി 

കണ്ണ് തിരുമി 

അടച്ചുപോയി.

ഒരു മരമൊടുങ്ങി 

കിളികൾ പറന്നുപോയി 

തിരികെ വരുന്നൊരു 

നേരം വരും 

ചിരിയുന്നടക്കി 

കാതുകൾ കൂർപ്പിച്ച് 

കവചവും വേലിയും 

കാത്തിരുന്നു .

സജീവ് കുമാർ 

കലികാലം : കവിത

കലികാലം

   ( കവിത - സജീവ്കുമാർ ശശിധരൻ )

ഒരു ഉൾച്ചിരി 

നിന്ന് പുകയുന്നു 

അതുമറയ്ക്കുന്നു 

ഭയമെന്ന വർണ്ണ വിശറികൾ 

വിത്തുണ്ട്  നിലമുണ്ട്‌ 

വിതയ്ക്കുവാൻ അറപ്പുണ്ട് 

വിതക്കുകിൽ ഗളമവർ 

അറത്തങ്ങെറിഞ്ഞാലോ 

.........

നെൽമണി വിതക്കുവാൻ 

നാടൊന്നുകാണുകിൽ 

ചൊല്ലുമോ എൻ കിളീ 

ഞാനും വരുന്നുണ്ട്