സോദരൻ
കവിത ( സജീവ് കുമാർ ശശിധരൻ )
നല്ലതെന്ന് ചൊല്ലുന്നതൊക്കയും
നല്ലതാർക്കെന്ന ചിന്തയുണ്ടാവണം .
കണ്ടു നിൽപ്പതു കൊടികളെങ്കിലോ
കോടിയാളിലും ചിന്തയും കോടിയിൽ .
എൻ്റെ ചിന്തയിൽ എന്തിന്നുചേരുന്നു .
നിൻ്റെ ജല്പനം ,ഞാനെന്തു കേൾപ്പേണ്ടു .
ഞാനുമില്ലയെൻ ജല്പനമോതുവാൻ
ചേർന്ന് പോയിടാം സോദരരായിടാം .
ചാവുകൾ
സജീവ്കുമാർ ശശിധരൻ
അഗ്നി വിഴുങ്ങി
നുരപൊന്തിയൊഴുകുന്നു
നീളെ പരന്ന്
ചാവുകളേറുന്നു .
അങ്ങ് ഇങ്ങ് ധരണി
ഒന്നിളകിച്ചിരിക്കുന്നു .
കെട്ടുകൾ പൊട്ടുന്നു
ചാവുകൾ കൂടുന്നു .
ആരാരും അറിയാത്ത
തിര വേലി ചാടുന്നു
കരയെ പുണരുന്നു .
ചാവുകൾ കൂടുന്നു .
മനുജന്മമേറുന്നു
ഞാൻ ഭാവമേറുന്നു
അറിയാതെ പോകുന്നു
ചാവുകൾ കൂടുന്നു .
