മുള്ളുകൾ : കവിത

 മുള്ളുകൾ 

(കവിത : സജീവ്കുമാർ ശശിധരൻ )

മിഴികളടയ്ക്കാതെ 

കാത്തിരുന്നു 

മരണംവരുമ്പോൾ 

ചിരിച്ചുകാട്ടാൻ 

ചരമം കുറിക്കുന്ന 

കത്തിലെൻ്റെ 

സമയം കുറിക്കുവാൻ 

കാത്തിരിപ്പൂ  .

മരണം ജയിച്ചാൽ 

മരിച്ചിടാമെൻ 

കദനമൊഴുക്കും 

മറവിയാക്കാം.

മിഴികളടഞ്ഞുപോയി 

കനവുവന്നു .

കനവിലൊരായിരം 

പൂക്കൾ പൂത്തു .

അതിലൊരു പൂവോ 

മനം മയക്കി .

ഹൃദയം നിറയ്ക്കുന്ന 

ചിരി പടർത്തി .

ഉടലവൾ  കാട്ടി 

ഭയന്നുഞാനോ  

ആ ചിരി ,പിന്നിലും 

കദനമുണ്ട് .

ഇനിയും മരിക്കുവാൻ 

കാക്കണോ ഞാൻ 

സമയമുണ്ടേറെ 

നടന്ന് തീർക്കാൻ  

മുള്ളുള്ള വഴിയിലും 

പൂവ്  പൂക്കും 

മുള്ളുപോയി ആ വഴി 

മെത്തയാകും . .

കൂരയും കുടിയനും : കവിത

 കൂരയും കുടിയനും 

കവിത : സജീവ്കുമാർ ശശിധരൻ 

മാനമിരുളുന്നുണ്ട് 

മേഘം ആറിത്തണുക്കണുണ്ട്  .

നേരമുരളണുണ്ട് .

നേരം പോയ കാറ്റും പറക്കണുണ്ട് .

മിന്നലടിക്കണുണ്ട് 

കൂടെ കൂടെ മദ്ദളകൊട്ടുമുണ്ട് 

കാലെൻ്റെ ആടുന്നുണ്ട് 

പാതിയെന്നെ കോപമായി നോക്കണുണ്ട് 

ആടിക്കളിക്കണുണ്ട് 

കൂര രണ്ട് മോന്തിയപോലെയുണ്ട് .

കോപമായി നോക്കണുണ്ട് 

കൂര വീണാ നാളെയെൻകാലനുണ്ട് .