മൗനം
ഒരുവാക്കിലെല്ലാം
ഒളിപ്പിച്ചുവെച്ചൊരെൻ
ചെറുചിരി നിന്നെ തലോടും
അതിലെന്തറിഞ്ഞുനീ
എന്നറിയാത്തൊരാ
കാമുകൻ കരളിൽ പിടയ്ക്കും .
കുറുകുമെൻ കരളിലെ
പ്രാവിൻ്റെ പരിഭവം .
ഞാനത് ചൊല്ലില്ല മേലും .
അറിയാതെ അതുവന്ന്
മൗനം വെടിയുകിൽ
അവളിലെൻ മൗനം നിറഞ്ഞാലോ .
സജീവ്കുമാർ ശശിധരൻ
നാണുവും മീനും
(കവിത : സജീവ്കുമാർ ശശിധരൻ )
നടവരമ്പോരത്തിരുന്നു നാണു .
ചെറുചൂണ്ട ഇരകുത്തി
മടയിൽ മുക്കി .
ഒരു കൊക്കുപോലെ
കാത്തിരുന്നു
ഇര കൊത്തി , മീനതും
കൊണ്ട് പോയി
ഒരു മാസമായത്
ചീർത്ത കാണും
ഇരയൊക്കെ തിന്നത്
വീർത്തുകാണും .
കലികയറി ,
നാളെയും എത്തുമെടാ ...
മടനോക്കി നാണു
പറഞ്ഞകന്നു .
എൻ്റെ ഏകന്തത
(സജീവ്കുമാർ ശശിധരൻ )
ഏകനായ് നിന്നെൻ്റെ
കദനം പറഞ്ഞുഞാൻ
ചിരികേട്ട് പുറകിൽ
തിരിഞ്ഞു നോക്കി .
കദനങ്ങൾ കേട്ടു
ഉറക്കെ ചിരിക്കുന്ന
കരിനിറ നിഴലാണ്
അതെൻ്റെയാണ് .
ഏറെച്ചിരിച്ചാൽ
വെള്ളയൊഴിച്ചിടും
ഭീഷണിയോട്ടു
മുഴക്കി ഞാനും
ഞാനില്ലയെങ്കിലോ
നീയില്ല എന്നോതി
വീണ്ടും ചിരിച്ചു
ഞാൻ കരഞ്ഞു .
ഒരു നിമിഷം
(കവിത : സജീവ്കുമാർ ശശിധരൻ )
എഴുതുന്ന കവിതകൾ
പകരുന്ന നിറമതിൽ
നുകരാനിരിക്കുന്ന
ശലഭങ്ങളെ .
കാത്തിരിക്കൂ നിങ്ങൾ
ഓർത്തിരിക്കൂ എന്നേ
നിറമുള്ളപൂക്കൾ
ഞാനിനിയും തരാം .
കഴിഞ്ഞതുമല്ല
ഞാനെഴുതാത്തതല്ല
എൻ വഴികളിലൊക്കെ
മുള്ളുവീണു .
തൂത്തുകളഞ്ഞു
ഞാനെത്തുന്ന നേരത്ത്
ഓർക്കാതെ പോകുമോ
എൻ്റെ പാര്
