കുഞ്ഞു കഥകൾ 06
കൂടുകൾ
സജീവ് കുമാർ
കിളി പാട്ടുപാടിക്കൊണ്ടിരുന്നു .അവൾ കേട്ടുകൊണ്ടും , കിളിയുടെ ഭാഷയും പാട്ടും അവൾക്ക് ഹൃദിസ്തമായിരുന്നു . ഒരുനാൾ കൊട്ടും കുരവയുമായി എവിടയോപോയി . വർഷങ്ങളോളം അവളെ കിളി കണ്ടില്ല . ഒരിക്കൽ ഒരു സുന്ദരിക്കുട്ടി വന്നു പാട്ടുകേട്ടു. കൊഞ്ചി . പുറത്തുനിന്നും ഒരു ശബ്‌ദം ഉയർന്നു കേട്ടു .
" എന്തൊരു ശല്യം പറത്തി കളഞ്ഞൂടെ , അല്ലെ ആർക്കെങ്കിലും കൊടുത്തുകള , ചെവിതല കേൾക്കണ്ട "
കിളി ചെവിയോർത്തു . അവളല്ലേ അത് ...
മനുഷ്യനും ദൈവവും
കാട് കരഞ്ഞു
കാട്ടാറു കവിഞ്ഞു .
കുത്തി ഒലിപ്പിച്ചു
നാട് നിറഞ്ഞു .
ഓടി ഒളിച്ചു
കൂകി വിളിച്ചു .
ഇടവഴിയും പെരുവഴിയും
കടൽപോലെ പോണെ .
കരയുന്ന കരളുകൾ
ഇടറുന്ന കാലുകൾ
ഇട തടവില്ലാതെ
അണയും ആഘാതങ്ങൾ .
ആരെ നീ തൊഴുവുന്നു .
ആർക്ക് നിവേദിക്കുന്നു .
മനുഷ്യരെ നീ തന്നെ
ദൈവവും നിവേദ്യവും .
ഒത്തു ഒരുമിച്ച്
ഒരു തോണിയുണ്ടാക്കാം
ഒരു നൂറു കൈകളാൽ
പങ്കായവും തീർക്കാം
കാട് കരഞ്ഞത്
എന്തിനെന്ന് ഓർക്കാം
കാട്ടാറു കവിഞ്ഞാൽ
ഒരു തോണിയുണ്ടാക്കാം
കടലുകവിഞ്ഞാൽ
കരതേടി പോകാം
ഒരു നൂറ് കൊല്ലമുണ്ട്
ഒരുപാട് ചെയ്യാൻ .
സജീവ്കുമാർ
എഴുത്തുകാരൻ
പാട്ടൊക്കെ പാടി
പറക്കുന്ന പറവക്ക്
പേരൊന്നു ചൊല്ലി
വിളി കേൾക്കുമോ .
ആ പാട്ട് ,ഞാൻ
പണ്ടേ പറഞ്ഞതാ
പാടാൻ എനിക്ക്
അറിയാണ്ട് പോയി .
പറവ ചിരിചിച്ചു
ഉയരെ പറന്ന്
വീണ്ടും ഉറക്കെ
പാടി .
വെയിലേറ്റ് പറവ
ചിറക് തളർന്നപ്പോൾ
ചിറകുകളായി ചിലർ
കൂടെവന്നു .
ഉള്ളിൽ ചിരിച്ചു
ചിരിച്ചുകരഞ്ഞു ഞാൻ
പാടാൻ അറിയാതെ
പാട്ടെഴുതി
വീണ്ടും
പാടാൻ അറിയാതെ
പാട്ടെഴുതി..
സജീവ്കുമാർ
ഒരു മരുന്നുണ്ട്
( കവിത)
ഒരു മരുന്നുണ്ട് ..
കാറ്റിൽ പറന്നെത്തും
പാലപ്പൂ മണവും
പുന്നെല്ല് പുഴുങ്ങി
എടുത്തതിൻ മണവും
തൊട്ടാവാടിതൻ
കൂമ്പാത്ത ഇതളും
സമം ചേർത്തെടുത്ത്
കരിമഷി ചാലിച്ച്
നാവിൽ പുരട്ടിയാൽ
തേനൂറും ഈണത്തിൽ
പാട്ടുപാടാം .
നാടൻ പാട്ടു പാടാം.
സജീവ്കുമാർ
