കരളിനും കവിത - Malayalam kavitha

കരളിനും കവിത 

ഒരു നേർത്ത തുള്ളിയിൽ 

തെളിയിച്ചു വർണ്ണങ്ങൾ 

അവൻ അവൾക്കേകുന്നു 

സുന്ദര സ്വപ്നങ്ങൾ 

അങ്ങ് അങ്ങ്  ദൂരെയൊരു 

കോണിൽ ഉദിച്ചൊരാ

വർണ്ണ ശോണത്തിൽ 

വിടർന്നവൾ ദലങ്ങളും  

അല പോലെ  അകലുന്ന 

പ്രണയമെന്നാകിലും 

അറിയുന്നതേവരും 

അരുണാർദ്ര ഹൃദയവും 

ഈവരികൾ ഒക്കെയും 

നിനക്കായ് കുറിക്കുന്നു 

എൻ ഓമന പെൺമണീ.. 

അറിയുന്നുമില്ല നീ.

കാലത്തിനപ്പുറം 

കാലമുണ്ടാകിലും 

ഇന്ന് അന്നുമൊക്കെയും 

ഒരു കരൾ നീ മതി 

കനവിലും കാതിലും 

കവിതപോൽ നിൻ മുഖം 

വിരലിലോ തീരാത്ത 

പ്രാണായമാം കവിതയും 

സജീവ്കുമാർ 

മിന്നാമിനുങ്ങ്‌ : കവിത

                            

                                 മിന്നാമിനുങ്ങ്‌                                          

അധരമൊരു വാക്കും 

മൊഴിഞ്ഞതില്ല 

കളിയോടെ കളിവാക്കു 

കേൾപ്പതില്ല 

അടിവെച്ചുതിർന്നൊരാ 

നനു പാദ  താളമോ 

അകലെയായി പോലും 

കേൾപ്പതില്ല 

അകലെ മുളങ്കാടുകൾ 

കൂകിയെന്നോ ?

നിറശോകം ,അരുണൻ 

താഴന്നുവല്ലോ 

ഇരുളിൻ മുഖമൊന്നു 

കാണുവാനോ 

പകലിനു കണ്ണിൽ 

വെളിച്ചമില്ല 

അവളുണ്ട്  ,അകലെയായ് 

വഴിയുണ്ട് ,ഇരുളുമായ്  

കനലുണ്ട് ,എരിയുന്നു 

കരളിന്നും ഉള്ളിലായ് 

തുടികൊട്ടു പോലെ 

എൻ നെഞ്ചо  പിടയ്ക്കുന്നു 

കണ്ണിലെ ധാര എൻ 

നെഞ്ചо നനയ്ക്കുന്നു 

മണ്ണിൽ  കിനിഞ്ഞൊരെൻ

അശ്രുക്കളൊക്കെയും 

മുന്നേ പറന്നെൻ

വഴി വെട്ടമേകുവാൻ 

സജീവ്കുമാർ