മൗനം
ഒരുവാക്കിലെല്ലാം
ഒളിപ്പിച്ചുവെച്ചൊരെൻ
ചെറുചിരി നിന്നെ തലോടും
അതിലെന്തറിഞ്ഞുനീ
എന്നറിയാത്തൊരാ
കാമുകൻ കരളിൽ പിടയ്ക്കും .
കുറുകുമെൻ കരളിലെ
പ്രാവിൻ്റെ പരിഭവം .
ഞാനത് ചൊല്ലില്ല മേലും .
അറിയാതെ അതുവന്ന്
മൗനം വെടിയുകിൽ
അവളിലെൻ മൗനം നിറഞ്ഞാലോ .
സജീവ്കുമാർ ശശിധരൻ
നാണുവും മീനും
(കവിത : സജീവ്കുമാർ ശശിധരൻ )
നടവരമ്പോരത്തിരുന്നു നാണു .
ചെറുചൂണ്ട ഇരകുത്തി
മടയിൽ മുക്കി .
ഒരു കൊക്കുപോലെ
കാത്തിരുന്നു
ഇര കൊത്തി , മീനതും
കൊണ്ട് പോയി
ഒരു മാസമായത്
ചീർത്ത കാണും
ഇരയൊക്കെ തിന്നത്
വീർത്തുകാണും .
കലികയറി ,
നാളെയും എത്തുമെടാ ...
മടനോക്കി നാണു
പറഞ്ഞകന്നു .
