ഒളിച്ചോട്ടം ; മലയാളം കവിത

...........ഒളിച്ചോട്ടം.........

ഒരു ചൂളം വിളികേട്ട്

നടിച്ചു ഞാനും

ഉറക്കത്തിൽ പടിവാതിൽ

കടന്നുപോയി

അരിച്ചെത്തി ; പൊൻനൂലും

ഉദിച്ചു ഞാനും

പുതപ്പിനാൽ മറതീർത്ത്

ചുരുണ്ട് കൂടി

കളിയാക്കി ചിരിച്ചെന്നെ

പുതപ്പുപോലും

തലവഴി ഞാൻ തീർത്ത

കറുപ്പുപോലും

വലിച്ചങ്ങ് ഏറിഞ്ഞങ്ങ്

മൂലയ്ക്കു ഞാൻ

ചിരിച്ചതാ കായിത

ക്ഷിപ്തങ്ങളും

ചവിട്ടിമെതിച്ചു

നടന്നടുത്തു

ഇന്നലെ കഴിഞ്ഞൊരെൻ

കൃതിയെടുത്തു .

തരിച്ചു പോയി

നെഞ്ചം പിടച്ചുപോയി

ഒരു വരിയില്ലതിൽ

ഒളിച്ചോടിയോ ?

തറയിലിരുന്നൊരെൻ

മുന്നിലൂടെ

അവസാന വാക്കതാ

ഓടിടുന്നു

ജനവാതിൽ

ചാടിക്കടന്ന മുന്നേ

കൈ വീശി വിടചൊല്ലി

ചിരിച്ചിടുന്നു.

അറിയാതെ കണ്ണു

നിറഞ്ഞു വീണു

" കരയേണ്ട ,ഞാനുണ്ട് "

ചൊല്ലിയരോ!

അതുകേട്ടു നോക്കി ഞാൻ

മനമുണർന്നു

ഇന്നലെ വരിവെട്ടി

എറിഞ്ഞ ഭoഗി  

..................................

സജീവ്‌ കുമാർ

പ്രേമം: മലയാളംകവിത

പ്രേമം

കവിത ഞാൻ എഴുതുന്നു
വാക്കുകൾ നിറയുന്നു ;
എഴുതുന്ന വാക്കുകളിൽ
ഒക്കെയും പ്രണയം

 

കാട്ടിലെ മഴയിലായ്
അലയുന്ന കരിപോലെ
അലിയുന്നു കുളിരുന്നു
അലകൾ പോൽ അകലുന്നു

 

ഒരു നോട്ടം ; ഒരു വാക്ക്
എല്ലാം മറന്നുപോയ്‌
അലിയുന്ന ഹിമശൈല
ശിഖരത്തിൽ ഒന്നു ഞാൻ

 

സ്വപ്നമാണോ പ്രണയം
മോഹമാണോ
ഒരു നോക്കിൽ അകലുന്ന
താരമാണോ

 

അറിയില്ല അറിയേണ്ട
നനയട്ടെ ഞാൻ
അലിയട്ടെ കുളിരട്ടെ
മുഴു ജന്മവും

 

 

 സജീവ്കുമാർ